Mugarik Gabe Nafarroa. Azaroaren 11n asteartearekin, 18:00etan, Nafarroako Liburutegian, Nafarroako eta Kolonbiako berezko hazien erresistentzia- eta berreskuratze-esperientzia hauek ezagutzera gonbidatzen zaituztegu:
Nafarroako Hazi-Liburutegien Sareko Iosune Ojer Torres izango dugu gurekin. 2022an Nafarroako Liburutegi Publikoen Zerbitzuaren eskutik sortu zen ekimena eta, gaur egun, 25 hazi-liburutegi biltzen ditu lurralde osoan. Ekimen honen helburua hiriari, intelektualari eta bizigabeari lotutako kultura lurrarekin, landa eremuarekin eta antzinako jakintzekin nahastea eta aberastea da, bertako haziak kontserbatuz eta partekatuz. Baratzezaintzarekin, elikadura burujabetzarekin, ekologiarekin… lotutako material bibliografikoak eta jarduerak eskaintzen dituzte ere.
Gainera, Abel Del Rey Palacios izango dugu gurekin ere, Tuterako El Castillo Fundazioko irakaslea Hasierako Lanbide Prestakuntzako Programan. Abelek ‘Auzoko Zaintza-Lurralde Zaintza’ proposamenaren barruan eta ikaskuntza-zerbitzu metodoari jarraituz, bere ikasleekin eta bertako nekazariekin batera Tuterako Hazien Liburutegia bultzatzeko egindako lan hezitzaile eta soziala partekatuko du.
Arlo akademikotik, hazi-liburutegien kolektiboekin elkarlanean, Memoriaren Erakundeak Abya-Yalatik (Kolonbia) ikerketa taldeko Natalia Duque Carmonaren online bidezko parte-hartzea izango dugu. Emakume, ama, feminista, hezkuntzaren, kulturaren eta liburutegien militantea eta Biblioteknologia Eskola Interamerikarra-Antiokiako Unibertsitateko irakasle elkartua den aldetik, hazien egoerari eta haien berreskurapenari buruzko ikuspegi teoriko baten gogoeta eskainiko digu.
Azkenik, tokian bertan lurreratutako ikuspegi batetik, baita online bidez ere, Juan Camilo Galeano Gómez izango dugu, agroekologiaren sustatzailea, Antiokiako Hazi Libreen Sareko Hazi Natiboen eta Kreolen Komunitate-Etxeko koordinatzailea (Kolonbia). Erakunde hau, nekazaritza-aniztasuna eta elikadura-autonomia babesteko konpromisoa duten nekazari hazi-zaintzaileek osatzen dute; komunitateak, ingurumena eta arlo politikoa sendotzeko ekintza eta estrategietan lan egiten dutenak.
Animatu!
“Hazi bakoitzean historia, borroka eta etorkizun posible bat bizi direlako.”
“Porque en cada semilla habita una historia, una lucha y un futuro posible.”