Nor gara?
Landare gara, produktu ekologikoen kontsumo arduratsuarekin konprometitutako pertsonek osatutako irabazi asmorik gabeko erakundea. Proiektu kolektibo hau 1992tik ari gara lantzen, egunez egun kontsumo eredu alternatibo bat eraikitzen, bidezkoagoa, jasangarriagoa eta kontzienteagoa.
Tokiko ekoizle txikiei laguntzen diegu, kalitatezko, sasoiko eta, ahal den neurrian, hurbileko elikagai ekologikoak lehenetsiz.
Gure misioa
Gure ingurunea tokikotik eraldatu nahi dugu, kontsumo eta ekoizpen modu jasangarriak, bidezkoak, banatzaileak (ez-metagarriak) eta kolaboratiboak (ez-klientelarrak) sustatuz. Aldaketa sakon baten aldeko apustua egiten dugu elikatzeko moduan eta elikagaiak ekoizten dituztenekin harremanetan jartzeko moduan.
Gure ikuspegia
Sare bizi eta hazten ari dena irudikatzen dugu: elkar aurkitzeko, modu arduratsuan kontsumitzeko eta loturak sortzeko lankidetza-guneak. Landare Iruñerriko sare honen ehunean beste hari bat gehiago izatea nahi dugu, elikadura burujabetzaren, ekologiaren, tokiko garapen iraunkorraren eta Ekonomia Sozial eta Solidarioaren printzipioek gidatuta.
Gure balioak
Produktu agroekologikoak
Kontsumo agroekologikoa sustatzen dugu, osasuna, lurra eta lurra lantzen dutenak zaintzeko modu gisa, pertsona guztientzako sarbide askotarikoa, osoa eta eskuragarria bermatuz.
Irabazi-asmorik gabea
Irabazi asmorik gabeko erakunde autogestionatua gara. Gure autonomia bazkideen laguntzari esker da posible, baita proiektu honetan konfiantza duten ekoizleen eta nekazarien laguntzari esker ere. Lankidetza sare horrek bizitza eta zaintza erdigunean jartzeko aukera ematen digu.
Ekoizleen eta kontsumitzen dutenen arteko bidezko harremanak
Honako hau defendatzen dugu: elikagai osasungarririk ezin da egon horiek ekoizten dituztenentzat bizi-baldintza duinik gabe. Horregatik, harreman zuzen eta bitartekaririk gabeko baten alde egiten dugu, ekoizleek beren jarduerari eusteko ezartzen duten prezioarekiko errespetuan oinarrituta, guztiontzako elikadura sistema justu, ekologiko eta jasangarri baten oinarri gisa.
Kudeaketa kolaboratiboa eta parte-hartzailea
Bazkide guztien parte hartze aktiboa sustatzen dugu, adimen kolektiboan eta erabakiak modu partekatuan hartzean sinesten dugulako. Elkarte hau guztion artean elikatzen dugu.
Ekonomia Sozial eta Solidarioa (ESS)
ESSren parte gara, ekonomia pertsonen zerbitzura eta guztion onerako jartzen duen benetako alternatiba. Irabazi indibidualen gainetik premia kolektiboak lehenesten dituen eta giza garapen jasangarria eta parte hartzailea bilatzen duen eredu baten alde egiten dugu.
Eraldaketa soziala eta tokikoa
Egiten dugun guztiak helburu argia du: gure ingurunea eraldatzea, ingurumen, gizarte eta ekonomia jasangarritasunetik abiatuta. Izan ere, mundua aldatzeko, nola kontsumitzen dugun, nola antolatzen garen eta aliantzak norekin ehuntzen ditugun hartu behar da kontuan.
Gure historia
Ezagutu Landareren historia 20. eta 30. urteurreneko ibilbidea jasotzen duten bi dokumental hauen bidez.